المقادير
- 2 x كوب سميد
- 1 x كوب لبن كامل الدسم
- 1 x كوب جوزهند (مبشور)
- 1 x معلقة صغيرة باكينج بودر
- 1 x كوب زيت ذرة (أو زبدة)
- 1 x كوب سكر
مقادير شربات السكر
- 1 x كوب ماء
- 2 x كوب سكر
- 2 x معلقة صغيرة ماء زهر
- 2 x معلقة صغيرة عصير ليمون
الخطوات
- فى بولة كبيرة هنضيف السميد والسكر والباكينج بودر وجوز الهند والزيت ونقلب كويس جدا.
- أثناء التقليب هنضيف اللبن شوية شوية لحد ما العجينة تتماسك بحيث لا تكون صلبة ولا سائلة, مهم قوام العجين يكون متوسط.
- هنجيب صينية وندهنها بالزيت ونفرد فيها العجين بالسمك المطلوب وممكن نرش مكسرات على الوش حسب الرغبة.
- هندخل الصينية الفرن على درجة حرارة 200 لمدة 15 دقيقة أو حتى تنضج الهريسة.
-
- فى حلة على النار هنضيف الماء والسكر ونقلبهم كويس لحد ما الماء يغلى ولمدة 10 دقائق.
- لو ظهرت على سطح الماء أى رغوة هنشيلها بالمعلقة.
- هنضيف عصير الليمون ونقلب كويس ويترك الخليط على النار حوالى 10 دقائق أو لحد ما الصوص يتقل وبعدين يرفع من على النار ويضاف ماء الزهر ويترك ليبرد
- بعد ما تخرج الصينية من الفرن هنصب عليها الشربات وتقدم.. بالهنا والشفا
ملاحظات
– ممكن نستخدم كمية أقل أو أكثر من اللبن على حسب حاجة العجينة.
– نراعى ان شربات السكر يكون تقيل قليلا.
